dae tot die konferensie
FEDSAS is baie opgewonde om ons eerste Nasionale Konferensie vir Skoolbeheerliggame in 2026 aan te bied – en jy behoort daar te wees!
Die FEDSAS-konferensie het ten doel om onderwysleiers, skoolbeheerliggaamlede, skoolhoofde en beleidmakers van regoor Suid-Afrika bymekaar te bring om doeltreffende skoolbeheer te versterk en te bevorder.
Hoekom moet jy dit bywoon?
Die konferensie skep ’n unieke en noodsaaklike ruimte waar rolspelers sáám kan dink, leer en gesels oor die kwessies wat ons skole elke dag raak.
Die doel is eenvoudig: om afgevaardigdes toe te rus met praktiese kennis en bruikbare vaardighede om hul skole eties, verantwoordelik en met selfvertroue te bestuur.
Deur interaktiewe sessies, insette van kenners op hulle vakgebied en insiggewende paneelgesprekke word die volle prentjie van skoolbeheer bespreek. Dit sluit openbare en onafhanklike skole in, asook temas soos finansies, beleid, risiko en goeie bestuur.
Daar word ook gefokus op die werklike uitdagings wat skole tans moet hanteer: van dissipline en leierskap tot diversiteit, inklusiwiteit en die slim gebruik van tegnologie in leer en administrasie.
Die konferensie gaan egter nie net oor inhoud nie. Dit is ook ’n plek waar verhoudings gebou word. Afgevaardigdes kry die kans om met mekaar, kenners en beleidmakers skouers te skuur, idees uit te ruil en saam oplossings te vind wat lank ná die geleentheid steeds waarde gaan toevoeg.
Ons doelwit? Die bou van sterk, volhoubare skole waar beheerliggame, leerlinge én personeel kan floreer.
Wie moet dit bywoon?
Voorsitters van skoolbeheerliggame
Lede van skoolbeheerliggame
Skoolhoofde as lede van skoolbeheerliggame en as “uitvoerende beamptes”
Skoolbestuurspanne
Lede van komitees van skoolbeheerliggame
Konferensiebesonderhede
Datums
Die konferensie vind oor twee dae plaas – Maandag, 22 Junie en Dinsdag, 23 Junie 2026.
Daar is ook ‘n opsionele skoolbesoek na afloop van die konferensie wat op Woensdag, 24 Junie 2026 plaasvind.
Venue
Die konferensie sal plaasvind by die idilliese Lord Charles Hotel in Somerset-Wes, Wes-Kaap.
Hoek van Main Road (M9) en Broadway Boulevard.
Koste
Die koste is R3700.00 per persoon vir lede en R4900.00 per persoon vir nie-lede. Dit sluit toegang tot die volle twee-dae konferensie in.
Die skoolbesoek na afloop van die konferensie is opsioneel en word afsonderlik gehef.
Verblyf- en reiskostes is uitgesluit.
Hoofsprekers
Program & Sprekers
Kom luister na die leiers van FEDSAS – dr. Jaco Deacon, dr. Juané van der Merwe-Mocke en Riaan van der Bergh, saam met ‘n opwindende reeks ander sprekers!
Klik hier om meer oor ons hoofsprekers te lees.
Registrasie
Klik hier om vir die konferensie te registreer. Sitplekke is beperk tot slegs 350 afgevaardigdes!
Stuur asseblief ‘n e-pos aan conference@fedsas.org.za om die nuutste inligting rakende die konferensie te ontvang.
Ontmoet ons korporatiewe vennote
Platinum
Goud
Standaard
Lig
NWO / NRO
Algemene vrae
ALGEMENE INLIGTING
Waar en wanneer vind die konferensie plaas?
Die konferensie vind plaas by die Lord Charles Hotel in Somerset-Wes, Wes-Kaap op 22 en 23 Junie, met ‘n opsionele skoolbesoek wat na afloop van die konferensie plaasvind op 24 Junie.
Wanneer begin en eindig die konferensie?
Die konferensie begin op 22 Junie om 08:30 en eindig op 23 Junie om 17:15. Op 24 Junie het ons skoolbesoeke (opsioneel) op twee roetes (laer- en hoërskole) wat van 08:00 tot 15:30 sal strek. Die vertrek- en eindpunte van hierdie roetes sal bevestig word.
Wie moet die konferensie bywoon?
Enige iemand met ‘n belangstelling in onderwys kan die konferensie bywoon. Dit sluit in lede van die skoolbeheerliggaam, skoolhoofde, adjunkhoofde, departementshoofde, skoolbestuurspanne en opvoeders.
Sou onafhanklike skole daarby baat vind om die konferensie by te woon?
Die konferensie is nie beperk tot openbare skole nie; dit spreek eerder breër kwessies in die onderwyssektor aan. Dit is nie ’n opleidingsgeleentheid nie, maar ’n platform vir diepgaande besprekings oor sleutelonderwerpe in die sektor. Die program sluit sessies in oor waardes en dissipline, finansiële bestuur, die bou van strategiese vennootskappe, beste praktyke in verslagdoening (King V-beginsels), strategiese leierskap en digitale transformasie. Hierdie onderwerpe is ook hoogs toepaslik vir onafhanklike skole.
Wat is die kleredragkode vir die konferensie?
Kleredrag tydens die konferensie is formele besigheidsdrag. Deelnemers word aangemoedig om professioneel aan te trek, met die opsie om subtiele kulturele elemente in te sluit waar toepaslik.
REGISTRASIE & BETALING
Hoe registreer ek vir die konferensie?
Klik hier om vir die konferensie te registreer. Hierdie vorm moet deeglik en volledig ingevul word.
Ek is nie ‘n lid van FEDSAS nie, kan ek steeds vir die konferensie registreer?
Ja, al is jy nie ‘n lid nie, kan jy steeds registreer. Die koste is R4900.00 per persoon vir nie-lede.
Hoe gemaak as twee of meer persone van dieselfde skool die konferensie wil bywoon?
Elke persoon wat die konferensie wil bywoon moet sy eie registrasievorm voltooi (een vorm = een registrasie). Skole wat een of meer fakture ontvang, kan vir die staat wag om ‘n eenmalige betaling te maak.
Kan ek op die dag van die konferensie registreer?
Dit sal ongelukkig nie moontlik wees nie as gevolg van die beperkte beskikbare plek. Die sluitingsdatum vir afgevaardigdes om te registreer is 24 Mei 2026.
Wat sluit die registrasiefooi in?
Die fooi sluit toegang tot die twee-dae konferensie in. Ligte verversings sal tydens die konferensie voorsien word. Die post-konferensie skoolbesoek is opsioneel en sal apart gehef word. Reis, verblyf en ekstra etes is nie ingesluit nie.
Is etes ingesluit?
Tee-/koffiepouses en ligte maaltye is ingesluit. Dui asseblief dieetvereistes aan wanneer u die registrasievorm voltooi. Let wel dat die diensverskaffer ‘n ekstra fooi per spesifieke keuse sal hef.
Watter betaalmetodes word aanvaar?
Slegs EFT-betalings word aanvaar. Kaartjies moet ten volle betaal word voordat die konferensie plaasvind. Kontantbetalings by die lokaal sal nie aanvaar word nie.
Hoe versoek ek ‘n faktuur of bewys van betaling?
Sodra jy geregistreer het, sal jy ‘n faktuur ontvang. Indien jy geregistreer het en jy het nog nie jou faktuur ontvang nie, of jy benodig bewys van betaling, kan jy ‘n e-pos aan conference@fedsas.org.za stuur.
AANKOMS & PERSEEL-LOGISTIEK
Hoe laat open registrasie?
Registrasie is van 08:30 tot 09:00 op beide dae. Bring asseblief u bevestigings-e-pos of ID saam om in te teken.
Waar kry ek my naamkaartjie?
By die registrasietoonbank in die voorportaal van die konferensielokaal. Naamkaartjies moet asseblief te alle tye tydens die konferensie gedra word.
Is daar Wi-Fi beskikbaar?
Wi-Fi word voorsien en is gratis. Besonderhede om in te skakel sal by die hotel beskikbaar wees.
Is daar parkering by die lokaal beskikbaar?
Ja, daar is gratis parkering op die perseel met 24-uur bemande sekuriteit.
Is die lokaal rolstoelvriendelik?
Ja, die Lord Charles Hotel is rolstoelvriendelik en bied geriewe soos rolstoeltoeganklike parkering en bakkieparkering. Dit is egter belangrik om die hotel direk te kontak om navraag te doen oor spesifieke kamerkenmerke en toeganklikheidsbehoeftes.
PROGRAM & SESSIES
Waar kan ek die program vind?
Klik hier om ‘n kopie van die program af te laai.
Hoe sluit ek by die wegbreeksessies aan?
Wegbreeksessies word volgens taalopsies (Engels/Afrikaans) verdeel. Die programleier sal jou voor die aanvang van die sessie inlig.
Sal die sessies opgeneem word?
Die sessies sal ongelukkig nie opgeneem word nie.
Sal ek ‘n bywoningsertifikaat ontvang?
Ja, sertifikate sal binne 2-3 weke na afloop van die konferensie per e-pos gestuur word.
Waar vind ons die uitstallers se stalletjies?
Die uitstallers se stalletjies is in die ‘Grand Ballroom’ (Verversingsaal). Maak asseblief seker dat u genoeg tyd saam met ons uitstallers deurbring – ons waardeer hul toewyding en ondersteuning.
REIS & VERBLYF
Hoe ver is die lokaal van die lughawe af?
Kaapstad Internasionale Lughawe is 31 km vanaf die Lord Charles Hotel – ongeveer 24 minute se reis. Vir persoonlike veiligheidsredes stel ons voor dat u versigtig op die N2 reis, veral ná donker.
Hoe ver is die skoolbesoeke van die lughawe af?
Die skoolbesoeke begin en eindig by die hotel.
Vir watter datum moet ons vliegkaartjies bespreek? Kan ons op die eerste dag van die konferensie invlieg?
Dit hang af waarvandaan jy vlieg en van die beskikbare vlugte vanaf jou naaste lughawe. Dit sal die beste wees om die dag voordat die konferensie begin, op te daag.
Kan ons terugvlieg na afloop van die laaste dag van die konferensie (sonder die skoolbesoeke)?
Dit hang af waarvandaan jy vlieg en van die beskikbare vlugte vanaf jou naaste lughawe. Die meeste lugrederye het later vlugte – onthou om ten minste ‘n uur voor jou vertrektyd op te daag.
Word vervoer voorsien?
Nee, vervoer na en van die lokaal word nie voorsien of ingesluit in jou registrasiefooi nie.
Enige aanbevelings vir motorhuuropsies?
Klik hier vir motorhuuropsies.
Enige aanbevelings vir verblyf?
Klik hier om ‘n lys van moontlike verblyf te sien. Let asseblief daarop dat u vroegtydig moet bespreek, aangesien dit moeilik is om verblyf naby aan die Lord Charles Hotel te vind.
NETWERKVORMING & EKSTRAS
Sal daar netwerkgeleenthede wees?
Ja, netwerksessies vind plaas tydens pouses en by die skemerkelkie-geleentheid op Dag 1.
ONDERSTEUNING & KONTAK
Vir wie kontak ek vir hulp tydens die konferensie?
Hulp met navrae kan by die toonbank by die registrasie-area verkry word. Toegewyde FEDSAS-personeel sal ook tydens die konferensie beskikbaar wees.
